Lubjanë, 21 shkurt 2026 (MIA) - Rreth 19.000 amviseri në Slloveninë verilindore janë pa energji elektrike për shkak të ndërprerjeve në rrjetin elektrik të shkaktuara nga reshjet e dendura të borës që filluan dje.

RTV Sllovenia publikoi se ekipe nga e gjithë vendi janë në terren për të zgjidhur problemet e furnizimit me energji elektrike.

Pritet kryeministri slloven Robert Golob të vizitojë sot Mariborin për t'u takuar me përfaqësues të kompanisë Elektro Maribor dhe mbrojtjes civile, për të vlerësuar situatën në terren.

Reshjet e djeshme të borës në pjesën verilindore të vendit çuan në ndërprerje të energjisë elektrike për rreth 40.000 amviseri që furnizohen nga Elektro Maribor dhe rreth 8.000 amviseri që furnizohen nga Elektro Celje.

Pritet që rreth 19.000 amviseri që aktualisht nuk kanë energji elektrike do të mbeten pa energji elektrike në ditët në vijim.

Zyrtarët e mbrojtjes civile thanë se duke pasur parasysh pasigurinë se kur do të normalizohet plotësisht furnizimi me energji elektrike, gati janë gjeneratorët për raste urgjente, dhe u bënë thirrje të prekurve të kërkojnë strehim të përkohshëm te të afërmit ose miqtë. ls/

Foto: Arkivi i MIA-s