Moskë, 1 janar 2024 (MIA) - Presidenti rus Vladimir Putin sot deklaroi se armiku i Rusisë nuk është Ukraina, por "elitat perëndimore" të cilat e mbështesin. 

Sipas tij, Ukraina është "vetëm një mjet në duart e Perëndimit kolektiv që e shfrytëzon që të luftojë kundër Rusisë", transmeton RT.

Në pyetjen për mbështetjen e Perëndimit për Ukrainën, presidenti rus tha se elitat e Perëndimit kolektiv janë "armiqtë e vërtetë të Rusisë". 

"Çështja nuk është se ata po ndihmojnë armikun tonë, por se ata janë armiku ynë. Ata po i zgjidhin problemet e tyre pas shpinës së Ukrainës", tha Putini në spitalin ushtarak në Moskë, ku u takua me ushtarët rusë të plagosur në luftën në Ukrainë. fc/

Fotografia: Arkivi i MIA-s