Tiranë, 27 maj 2023 (MIA) - Vendimi i fundit për rritjen e pagave e pozicionon presidentin shqiptar Bajram Begaj, si kreun e shtetit më të paguar në rajon. Me rrogën 3860 euro, ai kalon edhe presidentët në kroat dhe slloven.

Bajram Begaj është nga sot presidenti më i paguar në rajon, pas votimit në parlamentin shqiptar për rritjen e pagave. Me përfitimin mujor që rritet nga 2320 euro në 3860 euro, ai kalon në rajon edhe presidentët e Kroacisë dhe të Sllovenisë, që paguhen deri në 3500 euro në muaj.

Menjëherë pas tyre janë tre anëtarët e Presidencës së Bosnjë-Hercegovinës: Denis Beqiroviq, Zhelka Cvijanoviq dhe Zhelko Komshiq, secili me nga 2,920 euro në muaj në pozicionin e tyre drejtues dhe më tej zbret presidenti i Malit të Zi, Jakov Milatoviq, i cili ka rrogë 2420 euro.

Ndërkohë, paga e Presidentes së Kosovës, Vjosa Osmani pas rritjes së fundit shkon në 2160 euro, ndërsa presidentit serb Aleksendar Vuçiç, të cilit I është rritur paga në janar, merr sot 1700 euro në muaj. Me një diferencë prej 200 eurosh, listën e mbyll Stevo Pendarovski me pagë mujore 1500 euro. mb/