Bejrut, 21 shkurt 2026 (MIA) - Presidenti libanez Xhozef Aun e ka akuzuar Izraelin për minimin e përpjekjeve diplomatike për stabilizimin e vendit pas sulmeve ajrore ndaj objekteve të Hezbollahut, publikoi DPA.

Në sulmin, siç u kumtua më parë, janë vrarë të paktën 10 persona, ndërsa 50 janë plagosur, përfshirë tre fëmijë. Hezbollahu publikoi se tetë nga viktimat ishin anëtarë të grupit, përfshirë një punëtore shtëpiake nga Etiopia. Përveç objektevee të grupit, është dëmtuar edhe një ndërtesë banimi aty pranë.

Ushtria izraelite kumtoi se në sulm janë vrarë disa luftëtarë të Hezbollahut përgjegjës për sulmin me raketa ndaj Izraelit. Sipas mbështetjes ushtarake nga Irani, grup po përgatiste sulme të reja. Midis anëtarëve të vdekur të Hezbollahut është edhe komandanti i lartë ushtarak Husein Jagi. 

Presidenti libanez Xhozef Aun u bëri thirrje partnerëve ndërkombëtarë që të ushtrojnë presion mbi Izraelin për të ndaluar sulmet dhe për të parandaluar përshkallëzimin e mëtejshëm në rajon.

Izraeli dhe Libani zhvilluan së fundmi bisedime të ndërmjetësuara nga SHBA-ja që synonin forcimin e armëpushimit dhe respektimin e një paqeje të qëndrueshme, edhe pse të dyja palët janë zyrtarisht në luftë. ls/

Foto: EPA