Presidenti i sapozgjedhur i Iranit e emëroi Mohamed Eslamin shef të programit bërthamor iranian
- Presidenti i sapozgjedhur iranian, Masud Pezeshkian, e ka riemëruar Mohamed Eslamin në krye të programit bërthamor të Iranit, raportojnë mediat iraniane.
- Post By Melahat Baftija
- 16:32, 10 gusht, 2024
![Presidenti i sapozgjedhur i Iranit e emëroi Mohamed Eslamin shef të programit bërthamor iranian](https://new.mia.mk/images/20240810162215_big_730x400_50.webp )
Teheran, 10 gusht 2024 (MIA) - Presidenti i sapozgjedhur iranian, Masud Pezeshkian, e ka riemëruar Mohamed Eslamin në krye të programit bërthamor të Iranit, raportojnë mediat iraniane.
“Për shkak të përvojës suaj të vlefshme menaxheriale, ju emëroj si zëvendëspresident dhe shef i Organizatës për energji bërthamore”, thuhet në deklaratën e presidentit Pezeshkian për emërimin e tij të transmetuar nga mediat shtetërore iraniane.
Gjashtëdhjetë e shtatë vjeçari Mohamed Eslami do ta vazhdojë punën e tij si shef i programit bërthamor të Iranit dhe do të jetë një nga disa nënpresidentët e vendit. Siç raportojnë agjencitë e huaja, ai është shkolluar në SHBA dhe ishte nën sanksionet e OKB-së 16 vjet më parë. mb/
Foto: EPA