Oslo, 31 mars 2023 (MIA) - Autoritetet në Norvegji kanë konfiskuar një sasi rekord kokaine të fshehur në një ngarkesë me fruta amerikano-jugore, pas një lajmërimi nga Gjermania, njoftoi DPA.

Policia norvegjeze kumtoi se më shumë se 800 kilogramë drogë u kapën në kryeqytetin Oslo këtë javë.

“Megjithatë, asnjë arrestim nuk është bërë deri më tani”, tha inspektorja Greta Metlid në një konferencë për shtyp.

Dërgesa, e cila ka një vlerë të përllogaritur rrugore prej dhjetëra milionë euro, lidhet me 1200 kilogramë kokainë të gjetur së fundmi mes bananeve ekuadoriane në shtetin gjerman Brandenburg. ls/