Policia kthehet në rrugët e Dakës pas përfundimit të grevës
- Policia në Bangladesh sot rifilloi patrullimet në kryeqytetin Daka duke i dhënë fund grevës njëjavore.
- Post By Qefsere Abduli
- 10:29, 12 gusht, 2024
![Policia kthehet në rrugët e Dakës pas përfundimit të grevës](https://new.mia.mk/images/20240812095200_big_730x400_47.webp )
Daka, 12 gusht 2024 (MIA) - Policia në Bangladesh sot rifilloi patrullimet në kryeqytetin Daka duke i dhënë fund grevës njëjavore.
Policët u tërhoqën nga rrugët e qytetit të madh prej 20 milionë banorë javën e kaluar, pasi dorëheqja e ish-kryeministres Sheik Hasina dhe ikja jashtë vendit i dha fund sundimit të saj 15-vjeçar.
Policia premtoi se nuk do të vazhdojë me punë derisa nuk i garantohet siguria në detyrë, por ata kanë rënë dakord të kthehen pas bisedimeve gjatë natës vonë me qeverinë e re të përkohshme të udhëhequr nga nobelisti Muhamed Junus.
"Sindikata e policisë mbrëmë i dha fund grevës. Policët sot u kthyen në punë", deklaroi zëdhënësi i forcave Enamul Hake Sagor, raportuan mediat franceze.
Sipas sindikatës kombëtare të policisë, rreth 450 prej 600 stacioneve policore në vend kanë qenë shënjestër e zjarrvënieve dhe sulmeve vandalë gjatë muajit të kaluar. qa/
Foto: arkivi i MIA-s