Kiev, 19 korrik 2023 (MIA) - Ukraina pret që kundërofensiva e saj të jetë "e gjatë dhe e vështirë" për shkak të problemeve me furnizimin me armë dhe mina perëndimore të vendosura nga forcat ruse.

“Pa dyshim, ky operacion do të jetë mjaft i vështirë, i gjatë dhe do të marrë shumë kohë”, tha Mihailo Podoljak, një këshilltar i presidentit ukrainas Volodimir Zelenski.

Sipas tij, “pengesa kryesore për avancimin e forcave ukrainase janë minat që ushtria ruse ka vendosur prej muajsh dhe kryesisht thellësia e fushave të minuara, e cila mund të jetë nga katër deri në gjashtëmbëdhjetë kilometra”.

Podoljak theksoi se Kievi nuk është gati të bëjë kompromis me Rusinë, "sepse Moska po përpiqet të shkatërrojë shtetin ukrainas dhe të rivendosë kontrollin e plotë që kishte në kohën sovjetike".

Ai, gjithashtu, i theksoi armët që i duhen vendit të tij për të përshpejtuar kundërsulmin e tij.

“Bëhet fjalë për 200-300 automjete të blinduara, kryesisht tanke, 60 deri në 80 luftëtarë Ef-16, sisteme të mbrojtjes ajrore "Patriot" ose ekuivalentet e tyre franceze SAMP/T”, shpjegoi Podoljak. ls/

Foto: EPA