Tel Aviv, 5 prill 2023 (MIA) - Kryeministri izraelit Benjamin Netanjahu tha se Izraeli po punon për të qetësuar situatën pas përleshjes së sotme mes policisë dhe besimtarëve në xhaminë Al Aksa në Jerusalem.

"Izraeli është i përkushtuar për të ruajtur lirinë e fesë, aksesin e lirë në të gjitha fetë dhe status quo-në dhe nuk do të lejojë ekstremistët e dhunshëm ta ndryshojnë këtë”, tha Netanjahu.

Herët në mëngjes, policia izraelite sulmoi dhjetëra besimtarë në xhaminë Al Aksa të Jerusalemit, sipas deklaratave të dëshmitarëve, zyrtarëve palestinezë dhe një deklarate të policisë.

Policia tha se ndërhyrja ishte në përgjigje të trazirave të mëparshme dhe se ata u detyruan të hynin në kompleks pasi ekstremistët e maskuar u mbyllën brenda xhamisë me mjete piroteknike, shkopinj dhe gurë.

Incidenti shkaktoi protesta në Bregun Perëndimor të pushtuar dhe ushtria izraelite tha se nëntë raketa u hodhën nga Gaza në Izrael pasi sirenat u aktivizuan në qytetet jugore.

Tensionet në kompleksin e xhamisë Al Aksa, të cilën hebrenjtë e quajnë Mali i Tempullit, janë shoqëruar me dhunë vitet e fundit. sa/

foto: Arkivi i MIA-s