Tiranë, 15 dhjetor 2025 (MIA) – Kryetari i Partisë Demokratike të Shqipërisë, Sali Berisha deklaroi se organet e partisë kanë vendosur të ndërpresin bashkëpunimin me socialistët në pushtet në përgatitjen e ligjit të ri zgjedhor dhe reformës territoriale.

"Ndërhyrjet në ligjin zgjedhor ose reformën territoriale janë të nevojshme, por me aktin e ndërmarrë nga Edi Rama për të zgjedhur Endrit Shabanin si Avokat i popullit, pasi opozita tërhoqi nënshkrimet e saj në mbështetje të tij, ai ka treguar se çdo formë bashkëpunimi me të është thjesht fiktive, thjesht një fasadë. Udhëheqësia e Partisë Demokratike ka vendosur të ndërpresë çdo lloj bashkëpunimi me shumicën kriminale ose pseudo shumicën. Edi Rama ka nënshkruar përfundimin e këtij bashkëpunimi", ka thënë Berisha.

Nga ana tjetër, në takimin e sotëm të liderit të Partisë Socialiste me grupin parlamentar u vendos "të vazhdojnë vetë punën për këto dy reforma të rëndësishme dhe nuk do t'i shtyjnë ato për asnjë moment".

Parlamenti i Shqipërisë me 85 vota pro dhe tre kundër zgjodhi Shabanin si Avokatin e ri të popullit të Shqipërisë. Zgjedhja u mbështet nga shumica socialiste, ndërsa deputetët e Partisë Demokratike lëshuan seancën gjatë votimit, pasi kishin ndryshuar më parë mendje dhe kishin tërhequr nënshkrimet e tyre në mbështetje të Shabanit.

Në seancën plenare në Kuvend të enjten, Shabani duhet të japë betimin solemn, me çka fillon mandatin e tij pesëvjeçar.

foto: arkivi i MIA-s