Podgoricë, 14 mars 2024 (MIA) - Në Mal të Zi, pas tërmetit të fuqishëm që ndodhi mëngjesin e sotëm në Nikshiq, janë regjistruar gjithsej 30 tërmete të dobëta nga 3,5 deri në një ballë sipas shkallës së Rihterit, deklaroi udhëheqësja e Departamentit për analiza dhe përpunim të të dhënave në Institutin e hidrometeorologjisë dhe sizmologjisë, Milena Tomanoviq.

Ajo tha se tërmeti me magnitudë prej 5,3 ballë, epiqendra e të cilit ishte pesë kilometra nga qyteti Çaragje në Nikshiq, mund të ketë shkaktuar dëme në zonën e epiqendrës.

"Ky është një tërmet që ka ndodhur në zonën e kufitare të Malit të Zi dhe Bosnje e Hercegovinës, ajo është zona sizmologjike Bileqa dhe Piva", tha Tomanoviq në konferencën për shtyp.

Sipas saj, është e pritshme që ky lloj tërmeti me magnitudë prej 5.3 ballë të ndjehet dhe në zonën më të gjerë.

Duke folur për tërmetet e njëpasnjëshme, Tomanoviq tha se nuk mund të parashikojnë nëse mund të ndodhë një tërmet i ri me magnitudë të njëjtë ose me magnitudë më të madhe.

"Kishim 30 tërmete të njëpasnjëshme, me magnitudë nga 3,5 deri në një ose 1,5 ballë", tha Tomanoviq.

Ajo theksoi se seria e tërmeteve nga mëngjesi i sotëm tregoi se ka pasur një zgjim të aktivitetit sizmik. rq/

Foto: EMSC