Berlin, 6 mars 2025 (MIA) - Përbërja e re e parlamentit gjerman do ta mbajë seancën e parë më 25 mars, katër javë pas zgjedhjeve të mbajtura muajin e kaluar, njoftoi DPA.

Komisioni i Tranzicionit, i përbërë nga kryetari aktual i Bundestagut dhe përfaqësues të grupeve të reja parlamentare, arriti marrëveshje për datën e seancës konstituive. 

 Sipas Kushtetutës gjermane, parlamenti duhet të mblidhet brenda 30 ditëve nga zgjedhjet, ndërsa data 25 mars është data më e fundit e mundshme, duke qenë se zgjedhjet janë mbajtur më 23 shkurt.

 Krahas kësaj seance, përbërja aktuale e Bundestagut do të mbajë edhe dy seanca të jashtëzakonshme - më 13 dhe 18 mars - në të cilat do të diskutohet për propozimin për investime të rëndësishme në infrastrukturë dhe në mbrojtje.

Përbërja e re parlamentare do të ketë 630 deputetë, 103 më pak se përbërja e mëparshme. Përveç kësaj, disa parti që nuk e kaluan pragun elektoral prej 5 për qind nuk do të përfaqësohen në parlament, duke përfshirë Partinë Demokratike të Lirë Liberale dhe "Aleancën Populiste Sarah Vagenkneht". 

 Foto: Arkivi