Përfaqësuesi i Sllovenisë në Këshillin e Sigurimit të OKB-së i bëri thirrje Rusisë që të ndalojë agresionin ndaj Ukrainës
Lubjanë, 23 janar 2024 (MIA) - Përfaqësuesi i Sllovenisë në Këshillin e Sigurimit të OKB-së, Samuel Zhbogar, në takimin e këtij organi i bëri thirrje Rusisë që të ndalojë agresionin ndaj Ukrainës, njoftoi agjencia sllovene STA.
Sllovenia është një anëtare jo e përhershme e Këshillit të Sigurimit të OKB-së.
Zhbogar tha se Ruisa, e cila thirri një takim të Këshillit të Sigurimit në lidhje me dërgimin e armëve në Ukrainë nga Perëndimi, e akuzon Perëndimin për standarde të dyfishta, ndërsa është vetë fajtore për këtë.
E gjithë e drejta ndërkombëtare humanitare dhe të drejtat e njeriut vlejnë për Ukrainën, gjë që Rusia e thekson në lidhje me situatën në Rripin e Gazës, deklaroi përfaqësuesi slloven.
Ai shprehu shqetësim për bashkëpunimin ushtarak midis Rusisë dhe Koresë së Veriut dhe importin e raketave balistike nga Koreja e Veriut në Rusi.
"Këto veprime paraqesin një shkelje serioze të rezolutave të shumta të Këshillit të Sigurimit t OKB-së, me të cilat duhet të merremi", tha Zhbogar.
Ai theksoi se Perëndimi mbështet Ukrainën për të ndihmuar atë vend të mbrojë qytetarët e saj dhe të mbrojë territorin e saj në përputhje me të drejtën e vetëmbrojtjes bazuar në nenin 51 të Kartës së OKB-së. ls/
Foto. Arkiv
