Athinë, 12 qershor 2024 (MIA) - Në periudhën nga ora 12 deri në orën 17 Akropoli do të jetë i mbyllur për vizitorët, ndërsa sot dhe nesër dhe shkollat ​​dhe kopshtet në shumë pjesë të Greqisë, për shkak të valës së të nxehtit që ka përfshirë vendin, ndërsa pritet për të kulminojë gjatë ditës së nesërme, njofton korrespondentja e MIA-s nga Athina.

Nga Ministria e Kulturës së Greqisë, mëngjesin e sotëm  kumtuan se për shkak të temperaturave të larta, Akropoli do të jetë i mbyllur për pesë orë.

Komunat në disa pjesë të vendit, mes të cilëve dhe në Athinë, sollën vendim që shkollat ​​dhe kopshtet të qëndrojnë të mbyllura sot dhe nesër.

Greqia prej ditës së djeshme është përfshirë nga një valë e të nxehtit me temperatura jashtëzakonisht të larta që deri të premten do të arrijnë deri në 43 gradë Celsius, ndërsa ministritë kompetente kanë paralajmëruar masa për mbrojtjen e qytetarëve, mes të cilëve dhe mundësinë e punës nga shtëpia për nëpunësit shtetëror, por edhe për punonjësit në sektorin privat përderisa të jetë  e mundur.

Sipas portalit Meteo të Observatorit kombëtar në Athinë, mëngjesin e sotëm herët në 63 nga gjithsej 502 stacione meteorologjike në Greqi janë regjistruar temperatura mbi 30 gradë, ndërsa në ishujt Naksos, Rodos dhe Kretë në orën 8:10 të mëngjesit të sotëm temperatura ka qenë nga 32.3 në 34.6 gradë Celsius.

Sipas meteorologëve grekë kjo është vala e parë e të nxehtit në gjysmën e parë të qershorit në të paktën 50 vitet e fundit.

Njëherësh për shkak të temperaturave të larta është rritur edhe rreziku nga zjarri. rq/

Foto: arkivi i MIA-s