Londër, 15 korrik 2023 (MIA) - Për shkak të thatësirës në Uruguaj, miliona qytetarë të atij vendi mbetën pa ujë të pijshëm.

Më shumë se gjysma e 3.5 milionë qytetarëve të Uruguait nuk kanë akses në ujë nga rrjeti i ujit dhe ekspertët paralajmërojnë se një situatë e tillë mund të vazhdojë me muaj të tërë, shkruan Gardiani londinez.

Tre vite të thata radhazi pothuajse kanë zbrazur rezervuarin kryesor të ujit të freskët që furnizon kryeqytetin Montevideo dhe për të shmangur mungesat, kompania shtetërore e ujit ka rimbushur gradualisht rezervat me ujë nga Rio de la Plata që nga fillimi i këtij viti.

Disa ekspertë parashikuan një krizë të tillë disa vite më parë dhe vunë në dukje cenueshmërinë e rezervuarit që furnizon me ujë zonën përreth kryeqytetit Montevideo.

Megjithatë, sipas standardeve të Amerikës Latine, Uruguai ishte një vend me të ardhura të larta dhe konsiderohej se kishte burime të bollshme ujore, kështu që paralajmërimet se rezervat ujore po shteroheshin u panë si parashikime të tmerrshme dhe investimi në burime të reja u anulua. sa/

Foto: EPA