Gjenevë, 15 qershor 2024 (MIA) - Normat globale të vaksinimit të fëmijëve mbeten nën nivelet para pandemisë vitin e kaluar, njoftuan sot Organizata Botërore e Shëndetësisë (OBSH) dhe Fondi i Kombeve të Bashkuara për Fëmijët (UNICEF), që parashikon shqetësim te ekspertët. 

Në vitin 2023, 84 për qind e fëmijëve në nivel botëror ishin vaksinuar plotësisht kundër difterisë, tetanusit dhe pertusisit - ose kollës së mirë, një vaksinim i trefishtë që konsiderohet një tregues kryesor i shkallës së vaksinimit të fëmijëve, raportoi DPA.

Shifra përfaqëson rënie të vogël në krahasim me nivelet para pandemisë të regjistruara në vitin 2019, thuhet në raport.

Numri i fëmijëve pa asnjë dozë të vetme të vaksinës trivalente u rrit në 14.5 milionë vitin e kaluar, nga 12.8 milionë para fillimit të pandemisë, thuhet në raport.

Gjatë pandemisë Kovid-19, në shumë vende erdhi deri te vonesa dhe ndërprerja në programet e tyre të vaksinimit.

Në disa vende, numri i skeptikëve për vaksinat është rritur si pasojë e pandemisë, deklaroi ekspertja e OBSH-së, Ketrin O'Brajan.

"Ky zhvillim rezulton me vdekjen e fëmijëve", theksoi ajo.

O'Brajan tha se skepticizmi për vaksinimin në vendet më të pasura prek edhe rajone të tjera, për shembull, kur njerëzit me prejardhje migrante me bazë në Evropë përhapin dezinformata në vendet e tyre.

Eksperti i UNICEF-it, Efrem Lemango, theksoi se vendet me të ardhura të ulëta, mungesa e besimit në institucionet shëndetësore dhe qasja e kufizuar në vaksina pengojnë gjithashtu progresion në imunizimin.

Sipas OBSH-së dhe UNICEF-it, konflikti i armatosur është ende një pengesë, ku më shumë se gjysma e të gjithë fëmijëve pa imunizim jetojnë në vende të cilët karakterizohen me paqëndrueshmëri, dhunë dhe cenueshmëri.

Të dy organizatat, gjithashtu, njoftuan se më shumë se 100 vende janë prekur nga epidemitë e lisë në pesë vitet e fundit.

"Epidemitë e lisë janë paralajmërime, tregojnë dhe shfrytëzojnë boshllëqet në imunizimin dhe godasin së pari më të cenueshmit", deklaroi drejtori i përgjithshëm i OBSH-së, Tedros Adanom Gebrejesus. qa/