Numri i të arrestuarve në protestat në Bangladesh u rrit në gati 1.200
- - Numri i arrestimeve në ditët e dhunës në Bangladesh u afrua sot në kufirin prej 1.200, pasi protestat për shkak të kuotave për punësim shkaktuan trazira të mëdha.
- Post By Fitore Curri
- 07:55, 23 korrik, 2024
![Numri i të arrestuarve në protestat në Bangladesh u rrit në gati 1.200](https://new.mia.mk/images/20240723075521_big_730x400_84.webp )
Daka, 23 korrik 2024 (MIA) - Numri i arrestimeve në ditët e dhunës në Bangladesh u afrua sot në kufirin prej 1.200, pasi protestat për shkak të kuotave për punësim shkaktuan trazira të mëdha.
Të paktën 174 persona humbën jetën, duke përfshirë edhe disa policë, sipas policisë dhe spitaleve.
Ajo që filloi si demonstrata kundër kuotave të politizuara për pranim për vendet e punës të kërkuara në qeveri, javën e kaluar u rritën në disa prej trazirave më të mëdha në mandatin e kryeministres Sheik Hasina.
Ishte vendosur orë policore dhe ushtarët ishin shpërndarë përgjatë vendit nga Azia e Jugut, ndërsa ndërprerja e internetit në mbarë vendin në mënyrë drastike e kufizoi rrjedhën e informacioneve, gjë që e dëmtoi jetën e përditshme për shumë persona.
Të dielën, Gjykata Supreme e uli numrin e vendeve të rezervuara të punës për grupe të caktuara, duke përfshirë edhe pasardhësit e "luftëtarëve për liri" nga lufta çlirimtare në Bangladesh kundër Pakistanit në vitin 1971.
Grupi i studentëve i cili i udhëheq protestat i ndërpreu protestat e tij të hënën për 48 orë, ndërsa lideri i tij tha se nuk dëshironin reforma "në kurriz të kaq shumë gjaku". fc/