Shkup, 5 prill 2024 (MIA) - Në lidhje me aksidentin e mbrëmshëm në Itali, Ministria e Punëve të Jashtme (MPJ) përmes ambasadës në Romë mori informacione se pas ndihmës  mjekësore përkatëse për lëndime të lehta  në një spital në qytetin e San Benedeto del Tronto, 11 udhëtarë, shtetas të Maqedonisë së Veriut gjatë ditës së djeshme janë lëshuar   në shtëpi në gjendje të mirë shëndetësore. 

Soç njoftoi MPJ-ja, udhëtari i 12-të, shtetas i yni gjendet në spital në Ankona, ku gjatë ditës do të ketë intervenim kirurgjikal për lëndimet e marra në këmbë dhe dorë. 

"Ministria përmes Ambasadës në Romë mbetet në komunikim të vazhdueshëm me institucionet kompetente italiane, të cilët po punojnë për zbardhjen e plotë të rastit", thuhet në njoftimin e MPJ-së.

Në autostradën mes qyteteve Askoli Piçeno dhe Ankona në Itali dje ka ndodhur një aksident trafiku ku është përfshirë një autobus i një agjencie udhëtimi nga Maqedonia e Veriut, ku në vendin e ngjarjes ka ndërruar jetë shoferi i autobusit R. I (1965) shtetas i Maqedonisë së Veriut, ndërsa janë lënduar lehtë 12 pasagjerë, po ashtu shtetas tanë.

MPJ-ja përmes Ambasadës në Romë mbetet në komunikim të vazhdueshëm me institusionet kompetente italine, të cilët punojnë në zbardhjen e plotë të rastit.  qa

Foto: Arkivi i MIA-s, ANSA