Prishtinë, 19 gusht 2023 (MIA) -  Paraburgim nga 30 ditë u ka caktuar sot Gjykata Themelore në Prishtinë tre të dyshuarve për keqpërdorime gjatë furnizimit  të rezervave shtetërore, të cilët u arrestuan në aksionin e djeshëm të policisë në Ministrinë së Industrisë, Ndërmarrësisë dhe Tregtisë (MINT) dhe në një banesë dhe një objekt afarist, lajmëroi korrespondenti i MIA-s nga Prishtina. 

Të dyshuarit në aferën me furnizimet për rezervat shtetërore janë drejtori i Divizionit për Rezervat Shtetërore të Mallrave, Hafiz Gara dhe  drejtori i Departamentit për Integrim Evropian dhe Koordinim të Politikave, Irfan Lipovica, si dhe sipërmarrësi Ridvan Muharremi për të cilin një pjesë e mediave theksojnë se është i afërt me kryeministrin Albin Kurti dhe zëvendëskryeministrin për Integrime Evropiane, Besnik Bislimi.

 Informacionin për shqiptimin paraburgim njëmujor të të dyshuarve për mediat e kanë konfirmuar mbrojtësit e dy funksionarëve të MINT-it dhe të biznesmenit.

 Prokuroria Speciale e Republikës së Kosovës dje ka njoftuar se ata dyshohen për veprat penale "Keqpërdorimi i detyrës zyrtare" dhe "Dhënia e ndihmës në kryerjen e veprës penale Keqpërdorimit të detyrës zyrtare". Gjatë kontrolleve në zyrat e MINT-it dhe në banesën dhe lokalin e Muharremit janë konfiskuar kompjuterë dhe dokumente, të cilat do të përdoren në procedurë të mëtejshme.

Aksioni i djeshëm i policisë u krye pasi në fund të muajit të kaluar portali "Nacionale" publikoi audio-incizime të bisedave telefonike në të cilat zyrtarë të arrestuar të MINT-së thonë se vaji i gatimit dhe gruri nga Polonia, të cilat tashmë ishin paguar, nuk ishin dorëzuar në rezervat shtetërore. 

 Në bisedat e publikuara është përfshirë edhe ministrja dikstariale, Rozeta  Hajdari, e cila pas raportimeve të "Nacionale"-s ka bërë të ditur se ka bërë kallëzim penal për shpifje ndaj pronarit të portalit, gazetarit Berat Buzhala. 

 Pas video-fjalimit të mbrëmshëm me rastin e aferës me rezarvat shtetërore, të zbuluar pas publikimit të bisedimeve të përgjuara midis tani funksionarëtt e arrestuar të MINT-it, kryeministri Albin Kurti  doli në mbrojtje të ministres Hajdari, duke theksuar se ka besim të plotë te ajo. Kurti tha se në qeverinë e tij nuk ka keqpërdorime dhe korrupsion, por, siç theksoi, "të korruptuar janë elitat e vjetra", si dhe gjykatat, prokuroria dhe mediat të cilat e mbrojnë krimin. ia/ar/