Tiranë, 31 mars 2024 (MIA) - Një alpiniste kroate ka humbur jetën si pasojë e rënies nga një lartësi e madhe në malin Jezerce, në pjesën veriore të Shqipërisë, të njohur si "Alpet Shqiptare".

"Pas disa orësh kërkime, pasditen e djeshme vonë u mundësua gjetja dhe shpëtimi i shtatë turistëve të bllokuar në malin e Jezercës, ku si pasojë e rrëshqitjes në një terren të pjerrët dhe rënies nga një lartësi e madhe jetën e humbi alpinistja kroate Z.I.(41) vjeçare publikoi MPB shqiptare.

Në videon e publikuar në Fejsbuk shihet momenti kur ekipi i shpëtimit gjen alpinisten kroate të vdekur.

Në operacionin e kërkim-shpëtimit ka marrë pjesë edhe Departamenti i Shpëtimit Malor i Kosovës.

Pesë nga alpinistët e shpëtuar janë kthyer në territorin e Malit të Zi nga ku kanë hyrë në territorin shqiptar, dy të tjerët janë transportuar me helikopter në spitalin e qytetit Bajram Curi. sa/

foto: printskrin