Shkup, 26 dhjetor 2024 (MIA) - Kryqi i Kuq i Qytetit të Shkupit edhe këtë vit për 160 fëmijë pa kujdes prindëror, të vendosur në familje kujdestare, organizon ngjarje të fundvitit "Bredhi magjik i dëshirave".

"Në fillim të dhjetorit, fëmijët i kanë regjistruar dëshirat e tyre të Vitit të Ri dhe i varën në bredhin e madh në hapësirat e Qendrës, pastaj, i nxisim të gjithë qytetarët humanë, kompanitë, organizatat dhe institucionet ta vizitojnë Bredhin tonë magjik të Vitit të Ri, të zgjedhin ndonjë nga 'stolitë', ku janë regjistruar dëshirat dhe të ndihmojnë në realizimin e dëshirave të sinqerta të fëmijve", kumtuan nga Kryqi i Kuq i Qytetit të Shkupit.

Dhuratat, në ngjarjen festive të fundvitit, do të ndahen sot me fillim në ora 11:00, në hapësirat e Qendrës Tregtare "Ramstor", kur të gjithë fëmijët do ta marrin dhuratën e dëshiruar të fundvitit.

Aktiviteti "Bredhi magjik i dëshirave" u inicua para 17 viteve. Ideja është që çdo njeri, posaçërisht fëmijë, duhet të ndjehet bukur dhe i lumtur gjatë festave të fundvitit, thonë nga Kryqi i Kuq i Qytetit të Shkupit. bsh/