Nga zjarret në Havai deri tani jetën e kanë humbur të paktën 36 persona
Honolulu, 10 gusht 2023 (MIA) - Të paktën 36 persona kanë humbur jetën nga zjarret masive që kanë përfshirë zonën Maui të Havait, kumtuan sot autoritetet lokale. Druhet se numri i viktimave mund të jetë më i lartë pasi disa njerëz refuzuan të evakuohen.
"Luftimet vazhdojnë, ndërsa sot 36 persona kanë humbur jetën si pasojë e zjarrit në Lahaina. Për momentin nuk ka detaje të tjera”, thuhet në komunikatë, transmeton Si-En-En.
Zjarri ka shkatërruar qindra objekte në Maui, duke përfshirë shtëpi dhe biznese, ndërsa mijëra njerëz u evakuuan.
North Kihei wildfire footage. Evacuation orders in place for Kihei east of Pi’ilani Highway. Prayers for everyone’s safety
— Earth42morrow (@Earth42morrow) August 9, 2023
VC: Clint Hansen #Wildfire #Maui #Kihei #Hawaii #Dora #HurricaneDora #Heatwave #Fire #Climate #Weather #Firefighters #Viral #ForestFire pic.twitter.com/G8QaekmoTh
Zëvendësguvernatorja e Havait, Silvia Lak më herët deklaroi se "rruga drejt rimëkëmbjes do të jetë e gjatë."
Banorët e ishullit postuan xhirime të shkatërrimit në masë në mediat sociale.
Qyteti historik Lahaina është rrafshuar me tokë. Zjarri shkatërrues, i përcjellë nga era, ishte i pandalshëm pavarësisht përpjekjeve të zjarrfikësve dhe qytetarëve të cilët u përpoqën të shpëtonin shtëpitë dhe fermat e tyre.
“Nuk kemi më Lahaina. Nuk është”, deklaroi banori Mark Steflle për Si-En-En.
Kryebashkiaku i Lahainas, Riçard Bisen Xhunior tha se shumica e zjarreve në Maui nuk janë ende nën kontroll.
New video shows a massive fire raging near homes in Maui, as an emergency proclamation has been declared for Hawaii and Maui counties over dangerous wildfires. https://t.co/2KsBGPjap4 pic.twitter.com/irg2TR4bPn
— ABC News (@ABC) August 9, 2023
Autoritetet këshilluan turistët që të largohen nga Lahaina dhe Maui.
Presidenti i SHBA-së Xho Bajden urdhëroi të vihen në dispozicion të gjitha fondet federale dhe shprehu ngushëllime për viktimat.
Situata po përkeqësohet, zjarri vazhdon të përhapet, nxitur nga erërat e pakontrolluara si rezultat i uraganit të fundit Dora që kaloi mbi Havai. qa/
