Tel-Aviv, 26 shtator 2024 (MIA) - Kryeministri izraelit, Benjamin Netanjahu sot deklaroi se vendi i tij do të përdorë forcë kundër Hezbollahut në Liban përderisa banorët në Izraelin verior nuk kthehen në shtëpi.

"Hezbollahut i shkaktuam goditje të cilat nuk mund t'i paramendonte, këtë e bëjmë me forcë dhe me truqe. Mund t'ju premtoj një gjë: nuk do të ndalemi përderisa nuk kthehen në shtëpi", tha Netanjahu në video porosinë që e publikoi kabineti i tij.

Një funksionar anonim izraelit ndërkohë deklaroi për Si-En-En-in se Netanjahu i ka dhënë leje qeverisë së tij të prëfshihet në përpjekjet e SHBA-së në ndërmjetësim të ndërprerjes së zjarrit në Liban.

Netanjahu dha pëlqimin nën kushtin që çdo marrëveshje të mundësojë kthim të civilëve izraelitë në shtëpitë e tyre në Izraelin verior dhe më vonë shtoi se nuk do të qetësohet derisa kjo të mos ndodhë.

Këshilltari i Shtëpisë së Bardhë, Amos Hohshtajn është i përfshirë në negociatat për ndërprerje të zjarrit, por amerikanët nuk bisedojnë drejtpërdrejt me Hezbollahun.

Si-En-En lajmëroi se SHBA-ja urgjentisht po punon për planin e uljes së tensioneve mes Hezbollahut dhe Izraelit për shkak të shqetësimit të rritur se konflikti mund të eskalojë. ab/