Netanjahu: Izraeli është i mirëpërgatitur për çdo skenar, si në mbrojtje ashtu edhe në sulm
- Kryeministri i Izraelit Benjamin Netanjahu sot deklaroi se Izraeli është i gatshëm për çdo "agresion" kundër saj pas kërcënimeve për hakmarrje për vrasjet e figurave kryesore të Hamasit dhe Hezbollahut.
- Post By Fami Bajrami
- 17:58, 1 gusht, 2024
![Netanjahu: Izraeli është i mirëpërgatitur për çdo skenar, si në mbrojtje ashtu edhe në sulm](https://new.mia.mk/images/20240801175820_big_730x400_52.webp )
Tel Aviv, 1 gusht 2024 (MIA) - Kryeministri i Izraelit Benjamin Netanjahu sot deklaroi se Izraeli është i gatshëm për çdo "agresion" kundër saj pas kërcënimeve për hakmarrje për vrasjet e figurave kryesore të Hamasit dhe Hezbollahut.
"Izraeli është në një nivel shumë të lartë të përgatitjes për çdo skenar, si në mbrojtje ashtu edhe në sulm. Do të bëjmë që çdo akt agresioni kundër nesh të paguajnë çmim shumë të lartë. Ata që na sulmojnë edhe ne do t'i sulmojmë", thuhet në deklaratën e Netanjahut.
Komentet e tij erdhën pasi shefi i Hezbollahut, Hasan Nasralla paralajmëroi se grupi i armatosur libanez është i detyruar t'i përgjigjet vrasjes së komandantit të lartë ushtarak izraelit, Fuad Shukr, në një sulm të martën në një periferi të Bejrutit.
Të mërkurën, shefi i Hamasit Ismail Hania u vra në një sulm në Teheran për të cilin Irani dhe Hamasi akuzuan Izraelin. Izraeli refuzoi të komentojë vrasjen e tij.
"Nuk e dini se cilat vija të kuqe keni kaluar. Armiku dhe ata që qëndrojnë pas armikut, duhet të presin përgjigjen tonë të pashmangshme", tha Nasralla duke iu drejtuar Izraelit gjatë fjalimit në funeralin e Shukr.
foto: arkivi i MIA-s