Kajro, 5 shtator 2024 (MIA) - Kryeministri i Izraelit, Benjamin Netanjahu tha se vendi i tij duhet ta mbajë kontrollin e pakufizuar ndaj kufirit të Gazës me Egjiptin, ndërsa SHBA-ja po përgatit propozim të ri për armëpushim dhe lirimin e pengjëve. Çështja për kontrollin ndaj "Korridorit të Filadelfias" është pengesa kryesore në negociatat. Hamasi kërkon tërheqjen e plotë të Izraelit nga Gaza në marrëveshjen me shumë faza.

Egjipti, i cili ndërmjetëson në negociatat së bashku me SHBA-në dhe Katarin, kërkon që trupat izraelitë të tërhiqen nga korridori, ndërsa Emiratet e Bashkuara Arabe po ashtu e kritikuan qëndrimin e Izraelit.

Netanjahu, megjithatë, e ka përsëritur qëndrimin se Izraeli duhet ta mbajë kontrollin e kufirit që të pengohet armatimi i Hamasit përmes kontrabandimit të armës në Gazë, dhe se kjo është pjesë vitale e forcave ushtarake.

"Gaza duhet të jetë e demilitarizuar, e kjo mund të ndodh vetëm nëse Korridori i Filadelfias mbetet nën kontroll të fuqishëm", tha kryeministri izraelit, duke shtuar se trupat kanë zbuluar dhjetëra tunelë nën kufi.

Ai shtoi se Izraeli do të mendojë për tërheqjen e korridorit, vetëm kur do të ketë forca alternative që do ta mbikëqyrin. bsh/

Foto: Arkiv