NATO në Rumani do ta ndërtojë bazën më të madhe ushtarake në Evropë
Bukuresht, 18 mars 2024 (MIA) - Rumania e ka filluar ndërtimin e bazës më të madhe ushtarake evropiane të NATO-s. Blloku transatlantik po përpiqet t'i forcojë aftësitë e tij në rajonin e Detit të Zi.
Projekti, me vlerë 2.7 miliard dollarë, do të zgjerojë bazën e 57-të të forcave ajrore të forcave ajrore rumune "Mihail Kogalniçeanu", e vendosur pranë qytetit port të Konstancës në Detin e Zi. Objekti i ri do të ketë rreze prej gati 32 kilometrash, do të mbulojë rreth 17 kilometra katrorë dhe do të jetë shtëpia e rreth 10,000 anëtarëve të NATO-s dhe familjeve të tyre, raporton Njusvik.
Euronjuz këtë fundjavë raportoi se puna ka filluar në infrastrukturën themelore të bazës, siç janë rrugët hyrëse dhe rrjeti i energjisë. Në fund, ndërtimi i disa pistave të reja pritet të mbështesë operacionet e llojeve të ndryshme të aeroplanëve ushtarakë.
Nikollae Krecu, komandant i bazës ajrore, tha se do të ketë "hangaret e mirëmbajtjes, depot e karburantit, municionet, pajisjet, furnizimet teknike të aviacionit, simulatorët, pajisjet e ushqimit, akomodimi – gjithçka që nevojitet për të mbështetur funksionimin dhe misionet e kësaj baze”.
Bukureshti po përpiqet drejtë një bashkëpunimi më të afërt me aleatët e tij në NATO, SHBA-të, pasi Deti i Zi po bëhet një vend gjithnjë e më i mbushur me konflikt midis Ukrainës dhe Rusisë. qa
Foto: EPA
