Beograd, 17 maj 2024 (MIA) - Nëntë persona janë lënduar pas përplasjes së një treni pasagjerësh dhe mallrash në tunelin Vukov-Ura e Pançevës, afër daljes së urës së Pançevës, njofton RTS.

Aksidenti ka ndodhur pasditen e sotme në tunelin pranë konviktit të studentëve “Karaburma”.

Në terren ndodhen ekipet e Ndihmës së shpejtë dhe 25 zjarrfikës me pesë automjete.

Në orën 18 e 42 minuta është marrë njoftim se një tren mallrash është përplasur me një tren pasagjerësh në tunelin e monumentit Vukov-Urën e Pançevës, më afër daljes në urën e Pançevës.

Ministri i Ndërtimit, Transportit dhe Infrastrukturës Goran Vesiq ndodhet në vendin e ngjarjes ku u përplasën trenat në tunelin Vukov-Ura e Pançevës. Në vend pritet të arrijë edhe ministri i Punëve të Brendshme, Ivica Daçiq. 

Foto: arkivi i MIA-s