Karakas, 16 prill 2024 (MIA) - Aktivisti i njohur venezuelas, gazetari Karlos Hulio Rohas, është arrestuar për shkak të gjoja përzierjes së tij në tentimin për atentat ndaj presidentit Nikollas Maduro muajin e kaluar, deklaroi prokurori shtetëror Tarek Saab.

"Karlos Hulio ROhas u arrestua të hënën në mbrëmje në qendër të Karakasit për shkak se ishte i lidhur dhe drejtpërdrejtë i identifikuar si nxitës dhe operator logjistik në tentimin për atentat kundër presidentit Maduro më 25 mars", kumtoi prokurori shtetëror publik në profilin e tij në rrjetin X.

Më 25 mars, autoritetet njoftuan për arrestimin e dy burrave në afërsi të vendit ku presidenti Maduro mbajti fjalim në të cilin ai e kumtoi regjistrimin e tij si kandidat për zgjedhjet e sivjetme presidenciale. Arrestimi i Rohasit është i fundit në arrestimet e shumta të aktivistëve dhe politikanëve opozitarë, të akuzuar nga autoritetet venezuelase se janë të lidhur me komplote kundër qeverisë së maduros. ab/

Foto: МIА arkivi