Shkup, 10 qershor 2024 (MIA) - Ministria e Arsimit dhe Shkencës shpalli sot i publikoi kuotat për regjistrim në vitin e parë - ciklin e parë të studimeve në institucionet publike të arsimit të lartë në vitin akademik 2024/2025, konform vendimit të Qeverisë.

Në Universitetin “Shën Ciril i Metodi” - Shkup, janë të lira 9921 vende - nga të cilat 4761 janë për studentë të rregullt në kuotën shtetërore, 4210 për studentë të rregullt që do të bashkëfinancojnë studimet dhe 950 vende për studentë me korrespondencë.

Sipas kuotave të përcaktuara për vendet e lira, USHCM-i sot në faqen e saj ukim.edu.mk shpalli Konkursin për regjistrimin e studentëve në ciklin e parë të studimeve në vitin akademik 2024/2025 për programet e studimit të 23 fakulteteve në përbërje të tij.

Si në vitet e kaluara, numri më i madh i vendeve të lira ka në Fakultetin e Shkencave të Informacionit dhe Inxhinierisë Kompjuterike - FINKI (1020), Fakultetin e Shkencave Natyrore - PMF (1030), Fakultetin Filozofik me 895 vende, Fakultetin Filologjik me 790, Fakulteti Juridik me 705, Fakulteti Ekonomik me 700 vende të lira...

Çmimi i participimit për studimet për studentët me kohë të plotë në kuotën shtetërore është i pandryshuar dhe mbetet 200 euro në vit, ndërsa për studentët me kohë të plotë që do të bashkëfinancojnë studimet dhe studentët me kohë të pjesshme, shuma është 400 euro, si në vitet e kaluara.

Në Konkursin e USHCM janë përmbajtur kushtet dhe kriteret për regjistrim, mënyrën e llogaritjes të pikave nga matura shtetërore dhe suksesi i arritur në arsimin e mesëm dhe dokumentet e nevojshme për konkurrim.

Paraqitja në afatin e parë të tegjistrimit është më 29 dhe 30 gusht, i dyti më 17 dhe shtator dhe i treti më 27 shtator të vitit 2024.

Sipas kuotave për regjistrimin e studentëve që i publikoi MASH dhe për universitetet tjera shtetërore "Shën Klimenti i Ohrit" - Manastir do të ketë gjithsej 2404 vende të lira (1309 për studentë të rregullt në kuotën shtetërore, 679 për studentë të rregullt me ​​bashkëfinancim të studimeve dhe 416 vende për studentë me korrespondencë).

Në Universitetin Shtetëror të Tetovës ka gjithsej 4752 vende të lira (2477 në kuotën shtetërore, 1615 me bashkëfinancim të studimeve dhe 660 studentë me korrespondencë).

Në Universitetin "Goce Dellçev" - Shtip janë gjithsej 3983 vende të lira (për studentë të rregullt në kuotën shtetërore 2223, për studentë të rregullt me ​​bashkëfinancim të studimeve 950 dhe për studentë me korrespondencë janë 810 vende të lira).

Në Universitetin e Shkencave Informatike dhe Teknologjisë “Shën Apostul Pali” në Ohër ka vende për 364 studentë (200 në kuotë shtetërore, 90 me bashkëfinancim të studimeve dhe 74 për studentë me korrespondencë).

Në Universitetin “Nëna Tereza” në Shkup janë të lira gjithsej 1805 vende për studentë (në kuotën shtetërore 1260, 325 për studentë të rregullt me ​​bashkëfinancim të studimeve dhe 220 për studentë me korrespondencë). mb/

Foto: MIA