Në Pakistan 22 të vdekur në ndeshjen e një autobusi dhe automobili
Ky është aksidenti i dytë i tillë i komunikacionit në vend për më pak se një javë.
Autobusi udhëtonte nga Ravalpindi deri në zonën Gizer në veri, ndërsa aksidenti ka ndodhur në afërsi të fshatit Shatijall, 500 kilometra në veri të Peshavarit, kryeqyteti i provincës Hajber Pahtunva, deklaroi një përfaqësue i policisë lokale.
Ai tha se shpëtimtarët i kishin dërguar të vdekurit dhe të lënduarit në spital dhe se disa prej të lënduarve janë në gjendje kritike.
Të premten e kaluar 17 persona humbën jetën në ndeshjen zinxhir të një autobusi me udhëtarë dhe një kamioni në tunelin në zonën Kohat në Pakistanin veriperëndimor. Edhe një aksident i rëndë ndodhi më 29 janar në Pakistanin jugor kur autobusi e goditi shtyllën dhe ra nga ura, me çka humbën jetën 40 persona. fc/
