Londër, 7 tetor 2023 (MIA) - Beogradi nuk e njeh Kosovën dhe nuk mund ta ekstradojë në prishtinë personin përgjegjës për organizimin e grupit paraushtarak në veri të Kosovës, deklaroi presidenti serb, Alwksandar Vuçiq për Skaj njus, duke mohuar se ka pasur rol në dhunën e paradokohshme. Në të njejtën kohë kryeministri i Kosovës deklaroi për mediumin e njejtë se Serbia ka tentuar të shkaktojë luftë.

Në intervistën të cilën sot e transmetuan mediuemt e Beogradit dhe të Prishtinës në gjuhën serbe, Vuçiq tha se "çdoherë është më lehtë të akuzohet Beogradi" për pohimet e Prishtinës se Beogradi kinse ka planifikuar aksion të grupit paraushtarak në fshatin Banjskë në veri të Kosovës.

"Nuk mund ta ekstradoj Milan Radoiçiçin në Prishtinë, sepse ne nuk e njohim Kosovën, ai ishte aleat i ngushtë, por jo mik”, ka thënë presidenti i Serbisë, Aleksandar Vuçiç.

Presidenti serb pretendoi edhe për Skaj njus se "pjesëtarët e Policisë së Kosovës përdorin edhe armë të prodhuara në Serbi, por se Serbia nuk ua ka shitur atyre".

"Ata djem që i ndiqnin serbët dhe që janë nga Policia e Kosovës, mbanin AK të prodhuara këtu në Kragujevc", tha Vuçiq.

Presidenti serb arsyetohet se është e lehtë të gjesh armë dhe jo vetëm në tregun e zi.

“Njerëzit gjithmonë do t’i mbështesin njerëzit që duan të mbrojnë, sepse nga këndvështrimi ynë, nga këndvështrimi i serbëve, ajo është pjesë e Serbisë, sipas Kushtetutës sonë, është një kënd tjetër që duhet ta shikoni. Prandaj them që nuk është diçka që lejohet, por them që nuk është aq e vështirë”, tha Vuçiq.

Ai foli për Skaj njus edhe për terroristin Milan Radoiçiçin.

Autoritetet gjyqësore serbe e akuzojnë Radoiçiçin se kinse ka blerë armë, municione dhe eksploziv nga Tuzla që nga janari, duke i dorëzuar ato në territorin e Beogradit dhe më pas i ka ruajtur në territorin e Kosovës. Ndërkohë, Bosnja dhe Hercegovina mohoi se armët ishin nga Tuzla.

Tani presidenti i Serbisë paraqet detaje të reja duke iu referuar deklaratës së Radoiçiçit.

“Djali që u mor në pyetje në procedurën paraprake tha se ka blerë diçka në Serbi, diçka në Kroaci, diçka në Bosnje e Hercegovinë, le ta kontrollojmë tani”, tha ai.

Vuçiç është përgjigjur pozitivisht në pyetjen nëse Radoiçiq është aleati i tij i ngushtë.

“Nuk ka dyshim, ai ka qenë nënkryetar i Listës Serbe”, tha ai.

Megjithatë, ai nuk mund të thotë se ishte shoku i tij.

"Ai u akuzua. Ishte një krim i madh, i madh", theksoi Vuçiq.

I pyetur se pse nuk e ekstradon Radoiçiqin në Prishtinë, Vuçiq përgjigjet me një pyetje: "Po tallesh me mua apo çfarë? Po ju them kështu sepse e dini se ne nuk mund të ekstradojmë askënd në Prishtinë, sepse nuk e njohim Kosovën si shtet", tha Vuçiq.

"Kishte mijëra krime të rënda dhe edhe pse ne jemi anëtarë të OKB-së, ata nuk ekstraduan askënd në Beograd", deklaroi Vuçiq për Skaj njus. ab/