Niamej, 6 gusht 2023 (MIA) - Në kryeqytetin e Nigerisë, Niamej sot mbizotëron paqja, pak orë para përfundimit të ultimatumit që i është dhënë juntës nigeriane nga vendet e Komunitetit ekonomik të Shteteve të Afrikës Perëndimore (EKOVAS) për rikthim në pushtet të presidentit të zgjedhur në mënyrë demokratike Mohamed Bazum, transmetojnë mediat britanike.

Javën e kaluar, vendet e EKOVAS u dhanë puçistëve të cilët e rrëzuan Bazumin, një javë për ta rikthyer atë në pushtet, duke paralajmëruar se mund të përdorin forcën ushtarake për të rivendosur rendin kushtetues në Nigeri, nëse junta nuk përmbush kërkesat e tyre.

Rrugët e Niamejt kanë shënuar situata sporadike të mbështetjes për juntën, por nuk pati ndonjë kundërshtim ndaj pushtetit të marrë të ushtrisë nigeriane e cila tha se nuk do të përkulet ndaj presionit të jashtëm.

Grusht shteti në Nigeri është i shtati në Afrikën Perëndimore dhe Qendrore në tre vitet e fundit, vlerësojnë mediat britanike.

Më 30 korrik, shefat e mbrojtjes nga EKOVAS ranë dakord të përdorin forcën nëse presidenti Bazum nuk rikthehet në pushtet, përfshirë edhe atë se dhe kur dhe ku të goditet junta në Nigeri.