Shkup, 25 nëntor 2024 (MIA) - Mëngjesin e sotëm është matur temperatura më e ulët prej -8 gradë Celsius në Berovë, ndërsa një gradë më ngrohtë është në Kodrën e Diellit.

Është matur -6 gradë në Shkup-Petrovec, Manastir, Demir Kapi, Strumicë dhe Kumanovë, -5 në Tetovë, Prilep,Veles dhe Shtip, -4 në Shkup-Zajçev Rid dhe Kavadar, -3 në Kriva Pallankë, -2 gradë në Ohër, Pretor, Vinicë, Gjevgjeli dhe Hanet e Mavrovës dhe zero gradë në Krushevë.

Gjatë natës, kumtuan nga DPHM-ja, moti ka qenë i kthjellët, ndërsa mëngjesin e sotëm me diell dhe ftohtë me vranësira të vogla lokale. Në disa vende do të fryjë erë e dobët kryesisht nga drejtimi i veriut.

Moti sot do të jetë me diell me vranësira të vogla lokale dhe me erë të dobët të ndryshueshme. Temperatura maksimale do të arrijë nga 8 deri në 14 gradë.

Në Shkup moti do të jetë me diell dhe i qetë me vranësira të vogla. Temperatura maksimale do të arrijë deri në 10 gradë. rq/sa/

Foto: arkivi i MIA-s