Podgoricë, 17 dhjetor 2024 (MIA) - Presidenti malazez Jakov Milatoviq e ka përshëndetur mbylljen e tre kapitujve të rrugës evropiane të Malit të Zi, duke vlerësuar se ky është një moment i rëndësishëm për vendin, por në të njëjtën kohë kritikoi Qeverinë për mosmbylljen e kapitullit të katërt, për shkak të, siç theksohet, përkushtimit të pamjaftueshëm të Qeverisë në axhendën e BE-së dhe prishjen e marrëdhënieve me Kroacinë.

"Ky është një moment i rëndësishëm për Malin e Zi. Janë mbyllur tre kapituj të negociatave, që është një sinjal i përkushtimit të Bashkimit Evropian ndaj Malit të Zi në rrugën tonë drejt anëtarësimit të plotë", shkruan Milatoviq në X.

Ai falënderoi të gjithë ata që punuan për përmbushjen e detyrimeve për mbylljen e kapitujve 7, 10 dhe 20, para së gjithash për anëtarët e strukturës negociatore, pa njohuritë e ekspertëve të të cilëve nuk do të ishte i mundur ky rezultat.

Në Bruksel dje është mbajtur takimi i 17-të i Konferencës ndërqeveritare të pranimit BE-Mali i Zi në të cilën përkohësisht u mbyllën tre kapituj negoicues. Bëhet fjalë për kapitujt 7 - "E drejta e pronësisë intelektuale", 10 - "Shoqëria e informacionit dhe media" dhe 20 - "Ndërmarrjet dhe politika industriale".

Mali i Zi deri më tani ka mbyllur përkohësisht tre kapituj të negociatave, ndërsa në të njëjtën kohë ka negociuar 33 kapituj në negociatat e anëtarësimit në BE. rq/

Foto: arkivi i MIA-