Athinë, 20 dhjetor 2024 (MIA) - Respektimi i Marrëveshjes së Prespës është parakusht i domosdoshëm për hapjen e rrugës evropiane të vendit fqinj, tha kryeministri grek Kirijakos Micotakis në konferencën për shtyp pas përfundimit të Samitit të BE-së në Bruksel dhe theksoi edhe një herë nevojën të respektohen marrëveshjet ndërkombëtare, njoftoi korrespondentja e MIA-s nga Athina.

Në pyetjen e gazetarëve se kryeministri Hristijan Mickoski në Bruksel ka folur për maqedonasit dhe Maqedoninë, Micotakis komentoi se para tij, përkatësisht në Samit dhe në takimin e Partisë Popullore Evropiane "ka përdorur emrin zyrtar dhe të vetëm të vendit".

"Dua të theksoj, emri i vetëm i shtetit, që është Maqedonia e Veriut, e cila në çdo rast ka detyrimin të përdorë erga omnes, pra edhe brenda vendit të saj. Edhe dje edhe sot ritheksova nevojën e respektimit absolut të marrëveshjeve ndërkombëtare. Nuk do ta përsëris mendimin tim për Marrëveshjen e Prespës. Unë kam thënë se vendi ynë është i detyruar ta respektojë, po aq sa është i detyruar ta respektojë edhe shteti fqinj. Dhe ky është padyshim i nevojshëm, jo ​​i mjaftueshëm, por sigurisht një parakusht i domosdoshëm që në një moment të fillojë, në thelb për të hapur rrugën e saj evropiane", tha Micotakis. sa/

Foto: Kabineti i kryeministrit grek