Athinë, 9 maj 2025 (MIA) - Për shkak të ndërhyrjeve në mekanizmat e pompës dhe sistemin e hyrje-daljes së karburantit, duke siguruar një sasi më të vogël karburanti nga sa ishte deklaruar, Drejtoria e pavarur e të adhurave Publike të Greqisë (AADE) ka mbyllur pesë stacione të benzinës në Athinë dhe Selanik për dy vjet, njoftoi korrespondentja e MIA-s nga Athina.

Në mesin e marsit, policia greke shkatërroi dy grupe kriminale në Selanik dhe Athinë, të cilët kishin instaluar softuer të posaçëm në stacionet e benzinës që shpërndanin një sasi më të vogël karburanti, duke vjedhur kështu benzinë ​​nga qytetarët dhe duke e shitur atë shtesë, ndërsa mbi 55 persona u arrestuan.

Nga AADE kumtuan sot se ekipet e revizorëve doganorë, në bashkëpunim me Drejtorinë për luftimin e krimit të organizuar dhe Drejtorinë për hetime penale, kryen kontrolle të dhjetë stacioneve të benzinës, të cilat ishin të përfshira në rastin konkret, në pesë prej të cilave u zbuluan probleme dhe ndërhyrje në softuerin e shpërndarjes së karburantit, pas të cilave ato morën një ndalesë dy-vjeçar për funksionim,, ndërsa për pesë të tjerat u kërkuan informacione shtesë, ndërsa revizioni është duke vazhduar.

Paralelisht shtuan se shkelësit do të ndëshkohen, ndërsa Drejtoria e pavarur e të ardhurave publike e Greqisë do të vazhdojë me inspektime intensive. ls/

Foto: Drejtoria e pavarur e të ardhurave publike e Greqisë