Kuebek, 6 prill 2023 (MIA) - Mbi një milion njerëz në Kuebek sot në mëngjes mbetën pa energji elektrike pasi mbrëmë në pjesën juglindore të Kanadasë ra shi i akullt, ndërsa erërat e fuqishme rrëzuan drunj mbi më shumë largpërçues.

Gjatë natës dhe sot në mëngjes, 1.000 punonjës janë përpjekur ta kthejnë energjinë elektrike, kumtoi Hidro-Kuebek. Kompania paralajmëroi se janë të mundura ndërprerje të reja.

"Jemi të bindur se sot do të arrijmë ta kthejmë energjinë elektrike tek disa konsumatorë të prekur", thuhet në kumtesën e Hidro Kuebek. "Për fat të keq, disa konsumatorë pritet të jenë pa energji elektrike nesër dhe gjatë fundjavës".

Kryeministri kanadez Xhastin Trudo, i cili sot duhej në Montreal ta prezentojë buxhetin e qeverisë së tij, ofroi të sigurojë ndihmë federale në qoftë se është e mundur.

Sipas provajderit energjetik, Montreali është midis më të goditurve nga ndërprerjet e energjisë elektrike pas stuhisë së akullt.

foto: Jutjub printskrin