Prishtinë, 17 korrik 2024 (MIA) - Policia e Kosovës publikoi se në dy muajt e fundit në tërë Kosovën janë parashtruar mbi 2.800 kërkesa për ndërrimin e patent shoferëve serbë me ato të Kosovës, njoftoi korrespondenti i MIA-s nga Prishtina.

Nga policia e Kosovës për portalin KoSSev konfirmuan se më shumë kërkesa janë parashtruar në katër komunat në veri të Kosovës - 2.426, e më së shumti në Mitrovicën e Veriut.

"Në Leposaviq deri tani janë parashtruar 752 kërkesa, ndërsa në Mitrovicën e Veriut 753. Në Zubin Potok janë parashtruar 426, ndërsa në Zveçan 495 kërkesa", konfirmoi policia.

Lidhur me pjesët tjera të vendit, më së shumti paraqitje për ndryshimin e patent shoferëve serbe ka në Graçanicë - 123, pastaj në Kamenicë - 42 dhe Gjilan - 30, ndërsa kërkesa ka edhe në komunat tjera të Kosovës.

Numri i përgjithshëm i kërkesave të dorëzuara është 2.827.

Ministria e Punëve të Brendshme të Kosovës ka vendosur në fillim të majit të këtij viti që të mundësojë zëvendësimin nga patentë shoferëve të lëshuar për shtetasit e Kosovës në Serbi, të cilat Prishtina i konsideron të paligjshme, në patentë shoferë të Kosovës.

Vendimi ka hyrë në fuqi më 9 maj, ndërsa mundësia për ndryshim zgjat gjithsej tre muaj, deri më 9 gusht. Pas skadimit të këtij afati, siç u paralajmërua, në Kosovë më nuk do të mund të voziten me patentë shoferë serbe, të cilët janë lëshuara për qytetarët e Kosovës. rq/bsh/