Prishtinë, 30 maj 2024 (MIA) - Në vitin 2023, numri i punonjësve shëndetësorë nga Kosova të punësuar në Gjermani ishte 9.091, që është për një mijë më shumë nga viti 2022, njoftojnë mediat e Kosovës.

Instituti GAP ka publikuar të dhënat për numrin e të punësuarve në sektorin shëndetësor në Kosovë dhe kosovarëve të punësuar në Gjermani, si mjek, ndihmës medicinalë etj.

Në vitin 2019, sipas GAP-it, në Gjermani ishin të punësuar 5.440 kosovarë në Gjermani, kurse në Kosovë 14.582.

Në periudhën janar-shkurt 2023 në Gjermani ishin të punësuar si punëtorë shëndetësorë 9.091 kosovarë. Në Kosovë ndërkohë ishin të regjistruar 14.786.

Numri i të punësuarve në Kosovë që nga viti 2019 deri vitin e kaluar nuk ka ndryshuar shumë, megjithatë në Gjermani të dhënat tregojnë situatë tjetër. fc/

Fotografia: Arkivi i MIA-s