Shkup, 13 nëntor 2023 (MIA) - Anëtarët e Këshillit Gjyqësor, gjyqtarja Loreta Gorgieva dhe M-r Milazim Mustafa, dorëzuan dorëheqje deri te ministri i Drejtësisë, Krenar Lloga, dhe janë tërhequr nga anëtarësimi në Këshillin e ITK-së, pasi që e konsiderojnë pjesëmarrjen e tyre të mëtutjeshme në këtë organ si të papërshtatshme, kumtojnë nga Këshilli Gjyqësor.

"Këshilli i ITK-së veproi si ekip me kryetarin e tij Lazar Nanev dhe zëvendësen, prof. d-r Gordana Lazhetiq dhe prandaj konsideroj se nuk ka vend për pjesëmarrjen time të mëtutjeshme, thuhet në dorëheqjen e gjyqtares Georgieva, transmetojnë nga Këshilli

Në shpjegimin e dorëheqjes së m-r Mustafa, siç shtojnë, theksohet se pas shkarkimit të kryetarit të ITK-së nga Ministri i Drejtësisë Loga, dhe insinuatave të deklaruara për funksionim jo të mirë të Këshillit të ITK-së, si dhe pretendimeve të ministër resor për reformimin e Këshillit me të njëjtin emër, është e papërshtatshme të vazhdojë të jetë anëtar i këtij organi.

"Pavarësisht gjithçkaje, jam krenar që kam qenë anëtar i një organi që hodhi themelet dhe vendosi udhëzimet për drejtësinë digjitale dhe arriti të prezantojë mjete dhe shërbime që do të lehtësojnë aksesin e qytetarëve në drejtësi dhe autoritetet gjyqësore, duke rritur kështu besimin e gjyqësorit", thekson Mustafa.

Ministri i Drejtësisë Krenar Lloga javën e kaluar ka shkarkuar nga detyra gjyqtarin dhe kryetarin e Këshillit për Koordinim të Teknologjisë Informatike dhe Komunikuese në Gjyqësor, Lazar Nanev, nga pozita e anëtarit të Këshillit për IKT dhe me këtë nga pozita e kryetarit të këtij organi.

“Kam dorëzuar shkresë në Këshillin Gjyqësor për hapjen e procedurës për përcaktimin e përgjegjësisë për punën e kryetarit të Gjykatës Themelore të Kavadarit, gjyqtarit Llazar Nanev”, deklaroi atëherë Loga.

Ai sqaroi se pas marrjes dhe analizimit të materialeve për seancën e Këshillit Gjyqësor ka konstatuar se materialet e dorëzuara përmbajnë pretendime të rënda për cenim të integritetit të gjyqtarit dhe evidentohet ekzistenca e një situate që shqetëson seriozisht dhe vë në pikëpyetje sigurinë ligjore të qytetarëve dhe të drejtën e garantuar për t'u gjykuar nga një gjyqtar i pavarur dhe i paanshëm.

Lloga, në konferencë për shtyp po ashtu informoi se ka iniciuar procedurë për hartimin e një rregulloreje të re për funksionimin e Këshillit të IKT-së në bazë të të cilit, siç paralajmëroi, do të formohet përbërja e re e këtij organi. ls/

Foto: Këshilli gjyqësor