Shkup, 15 tetor 2024 (MIA) - Përveç lidhjes rajonale të të rinjve, të cilën e bën Zyra Rajonale për Bashkëpunim Rinor – RYCO, është e nevojshme të punohet në përforcimin e bashkëpunimit të ndërsjellë përmes pjesëmarrjes së përbashkët në projekte ndërshtetërore, vlerësuan ministri i Politikës Sociale, Demografisë dhe Rinisë, Fatmir Limani dhe ministri i Sportit dhe Rinisë i Malit të Zi, Dragoslav Shçekiç në takimin në kuadër të vizitës së tij të punës në Berlin, ku morën pjesë në Forum për të rinjë nga Ballkani Perëndimor.

Siç informojnë nga ministria e Politikës Sociale, Demografisë dhe Rinisë, bashkëbiseduesit folën për faktin se Bashkimi Evropian duhet të bëhet më fleksibël ndaj vendeve të Ballkanit Perëndimor, pa kushte, por me mbështetje të plotë. Sepse Evropa nuk është e plotë pa vendet e Ballkanit Perëndimor.

Ministri malazez ka dërguar edhe ftesë të drejtpërdrejtë për të vizituar Malin e Zi me qëllim të thellimit të bashkëpunimit ekzistues.

Konkluzionet në fund të takimit ishin se vetëm të bashkuar si rajon mund të ecim përpara dhe t'i bashkohemi tregut ekonomik global. ls/

Foto: Ministria e Politikës Sociale, Demografisë dhe Rinisë