Prishtinë, 29 mars 2023 (MIA) - Kryeministri i Kosovës, Albin Kurti, sot deklaroi se marrëveshja e arritur në Bruksel dhe “harta rrugore” për zbatimin e saj të rënë dakord në Ohër janë dokumente publike dhe se është i nevojshëm "zbatim i saktë dhe i shpejtë i tyre", njoftoi agjencia serbe BETA.

Më 4 prill në Bruksel do të diskutohet çështjen e zbatimit të marrëveshjes tashmë të rënë dakord. Marrëveshje ka, marrëveshje ekziston, është qartë publike për të gjithë dhe kemi nevojë për zbatimin e duhur dhe të shpejtë të saj. Për këtë do të organizohet një takim me negociatorët kryesorë, në të cilin do të marrë pjesë edhe zëvendëskryeministri i Kosovës, Besnik Bislimi, tha Kurti pas takimit të organizuar nga Këshilli i Evropës në Prishtinë.

Ai tha se marrëveshja duhet të zbatohet në tërësi dhe se nuk ka mundësi që një pjesë të zbatohet e një pjesë jo.

Ne nuk duhet ta prishim marrëveshjen duke marrë pjesët që duam. Fjala “urgjente” është përdorur në fjalinë që i referohet të zhdukurve, përkatësisht të zhdukurve me forcë”, ka theksuar Kurti. ls/