Kiev, 4 shtator 2024 (MIA) - Ministri i Punëve të Jashtme të Ukrainës, Dmitro Kuleba sot dha dorëheqje për shkak të ndryshimeve të mëdha në qeverinë ukrainase që nga fillimi i invazionit rus ndaj Ukrainës. 

Në ditët në vazhdim priten më shumë dorëheqje dhe emërime pasi pesë ministra dhanë dorëheqjen dje nga kabineti. Kryetari i Radës supreme dhe bashkëpunëtori i ngushtë i presidentit Volodimir Zelenski, Ruslan Stefançuk i ka përshkruar këto ngjarje si një "restart" të madh të qeverisë para fillimit të dimrit. 

Stefançuk në Fejsbuk e postoi dorëheqjen e Kulebës dhe njoftoi se deputetët së shpejti do ta rishqyrtojnë. Pritet që Kuvendi të votojë për dorëheqjet më së voni sot e cila do të jetë vetëm formalisht. 

Zelenski tha se ndryshimet të cilat vijnë në një moment kyç në luftën 30-mujore, janë të nevojshme për të forcuar dhe arritur rezultatet për të cilat po përpiqet Ukraina.

"Vjeshta do të jetë jashtëzakonisht e rëndësishme. Institucionet tona shtetërore duhet të jenë të strukturuara në atë mënyrë që Ukraina të mund të arrijë rezultatet e nevojshme", deklaroi dje presidenti ukrainas. qa/ 

Foto: EPA