Uashington, 5 janar 2026 (MIA) - Këshilli i Sigurimit i Kombeve të Bashkuara sot do të mbajë një takim urgjent për shkak të përshkallëzimit të krizës në Venezuelë, të shkaktuar nga arrestimi i presidentit Nikolas Maduro dhe bashkëshortja e tij nga ana e ShBA-së dhe një seri sulmesh të mëdha në Karakas.

 Takimin e kërkoi Venezuela, ndërsa kërkesën e mbështetën edhe dy anëtare të përhershme të KS -  Rusia dhe Kina.

 Venezuela më 3 janar i dërgoi një letër KS,  ku formalisht kërkon takim, mnë këtë rast Karakasi e akuzoi ShBA-në për kryerjen e një serie "sulmesh brutale, të pajustifikuara dhe të njëanshme të armatosura" ndaj objektivave civile dhe ushtarake në vend. Venezuela gjithashtu akuzoi ShBA-në për shkelje të Kartës së KB-së.

Sekretari i Përgjithshëm i KB-së, Antonio Gutereshi, sot shprehu shqetësim  në lidhje me një përshkallëzim të mundshëm të paqëndrueshmërisë në Venezuelë pas arrestimit të presidentit Nikolas Maduro nga ana e ShBA-së. 

 "Jam thellësisht i shqetësuar për thellimin e mundshëm të paqëndrueshmërisë në vend, ndikimin e mundshëm në rajon dhe precedentin që kjo mund të krijojë për mënyrën se si zhvillohen marrëdhëniet midis shteteve", tha Gutereshi.

 Ai shprehu shqetësim se operacioni i ShBA-së për të arrestuar Maduron në Karakas nuk ishte në përputhje me ligjin ndërkombëtar.

"I përshëndes  dhe jam i gatshëm t'i mbështes të gjitha përpjekjet që synojnë të ndihmojnë venezuelianët të gjejnë një zgjidhje paqësore", theksoi Gutereshi. 

Foto: Arkivi i MIA-s