Kryeministri i Indisë Modi do ta vizitojë Ukrainën
- Post By Fami Bajrami
- 11:12, 19 gusht, 2024
![Kryeministri i Indisë Modi do ta vizitojë Ukrainën](https://new.mia.mk/images/20240819103215_big_730x400_43.webp )
Nju Delhi, 19 gusht 2024 (MIA) - Kryeministri i Indisë Narendra Modi do ta vizitojë Ukrainën, kumtoi sot Ministria e Punëve të Jashtme të Indisë.
Kjo do të jetë vizita e parë e një lideri indian në Ukrainë pasi që forcat ruse pushtuan territorin ukrainas në vitin 2022. Një muaj më parë Modi u takua me presidentin rus Vlladimir Putin në Moskë.
Detajet e vizitës së Modit në Ukrainë do të publikohen më vonë gjatë ditës, kumtoi ministria e këtij vendi.
Vendet perëndimore vendosën sanksione ndaj Moskës për invazionin e Ukrainës në vitin 2022, por vendet si India dhe Kina vazhduan të tregtojnë me Rusinë.
India nuk e dënoi drejtpërdrejt Rusinë për veprimet e saj në Ukrainë dhe i kërkoi Moskës dhe Kievit të zgjidhin konfliktin midis tyre përmes dialogut dhe diplomacisë.
SHBA-ja ka shfaqur shqetësim për marrëdhëniet midis Indisë dhe Rusisë, veçanërisht për shkak përpjekjeve të Uashingtonit për të forcuar lidhjet me Nju Delhin si një kundërpeshë e mundshme ndaj ndikimit në rritje të Kinës.
Nju Delhi po thellon lidhjet me Perëndimin, ndërsa ndërkohë i ruan marrëdhëniet me Rusinë. rq/
Foto: EPA