Hagë, 22 mars 2024 (MIA) - Vendet e Bashkimit Evropian janë gjithnjë e më të bashkuara kur bëhet fjalë për përdorimin e mjeteve nga asetet e ngrira ruse që kanë të bëjnë me luftën në Ukrainë. Përshtypja ime është se gradualisht po arrijmë një konsensus, tha kryeministri holandez Mark Rute në fund të ditës së parë të samitit evropian, njoftuan mediat holandeze.

Ai tha se është rënë dakord që Komisioni Evropian plotësisht ta zhvillojë më tej planin dhe është e rëndësishme që të mund ta ndërmarrim këtë hap tani.

Sipas tij, nga qindra miliarda euro të mjeteve të ngrira ruse në BE, mund të nxirren rreth tre deri në miliarda euro në vit.

Këto mjete së shpejti do të duhet të përdoren kryesisht për ndihmën ushtarake për Ukrainën. Por jo të gjitha 27 vendet anëtare janë ende dakord me këtë. Austria dhe Hungaria, ndër të tjera, kanë treguar se e kanë të vështirë ta bëjnë këtë. Një burim i afërt me kryeministrin hungarez Viktor Orban tha se vendi i tij nuk dëshiron të marrë pjesë fare në plan. sa/

Foto: Arkivi i MIA-s