Paris, 6 mars 2024 (MIA) - Kryeministri francez Gabriel Atal sqaroi se cilat kategori të personelit ushtarak francez mund të dërgohen në Ukrainë nëse merret një vendim i tillë.

"Sa i përket ushtarëve francezë, mund të flasim për një ushtri (e cila mund të përfshihet) për të kryer stërvitje, për të siguruar mbrojtje ajrore ose për të mbrojtur kufij të shumtë", tha kreu i qeverisë në përgjigje të pyetjeve të anëtarëve të Senatit (Dhoma e sipërme e parlamentit të republikës).

Në të njëjtën kohë, sipas Atal, deklarata e presidentit francez Emanuel Makron, i cili nuk e përjashtoi mundësinë e dërgimit të forcave tokësore në Ukrainë në të ardhmen, nuk mund të quhet paralajmërim për ndonjë veprim. 

"Disa komente mund të bëjnë të duket se presidenti ka paralajmëruar diçka. Por jo!, tha Atal. "Ai thjesht refuzoi të hedhë poshtë çfarëdo lloj mundësie", sqaroi kryeministri.

Sipas kreut të qeverisë, formati i ndihmës për Ukrainën që është në fuqi tani, është përjashtuar nga shumë partnerë francezë në vitin 2022. "Dy vite më parë, shumica nuk lejuan të ndiqet modeli i ndihmës që funksionon sot. Më kujtohet se si në fillim të konfliktit, shumë zyrtarë, përfshirë vendet aleate, refuzuan se do ta mbështesim Ukrainën me projektila dhe tanke."Biseduam kryesisht për thasë për gjumë dhe dylbi", tha Atal.

Mundësia e dërgimit të forcave tokësore të vendeve perëndimore në Ukrainë u diskutua më 26 shkurt në një konferencë në Paris, por pjesëmarrësit e saj nuk arritën një marrëveshje për këtë çështje. Presidenti francez në konferencën për shtyp pas takimit tha se tani nuk ka konsensus, por “me kalimin e kohës asgjë nuk mund të përjashtohet”. ls/

Foto: Arkiv