Pekin, 4 dhjetor 2023 (MIA) - Pekini zyrtar sot iu përgjigj komentit të ministres amerikane të Tregtisë, Xhina Raimondo se Kina është "kërcënimi më i madh", duke thënë se SHBA-ja" duhet të ndalojë së konsideruari Kinën së armike.

"Kina kurrë nuk vë baste kundër SHBA-së dhe nuk ka ndërmend ta sfidojë atë," deklaroi zëdhënësi i Ministrisë së Punëve të Jashtme, Vang Venbin për gazetarët në Pekin.

SHBA-ja duhet “të ndalojë së konsideruari Kinën si armike, të korrigjojnë lëvizjen e gabuar të zhvillimit të konflikteve të mëdha në vend nën pretekstin e konkurrencës dhe të shmangë të thotë një gjë dhe të bëjë një tjetër”, tha Vang.

Zyrtari kinez kujtoi se presidenti amerikan Xho Bajden "ka theksuar një herë se SHBA-ja nuk po përpiqet të ndalojë zhvillimin ekonomik të Kinës ose përparimin shkencor dhe teknologjik".

Deklarata e Vang erdhi pasi Raimondo e quajti Kinën "kërcënimin më të madh që kemi pasur ndonjëherë" dhe vuri në dukje se Pekini nuk është mik i SHBA-së. ls/

Foto: Arkiv