Pekin, 4 mars 2026 (MIA) - Kina do të dërgojë një të dërguar të posaçëm në Lindjen e Mesme për të ndërmjetësuar në konfliktin në rritje, konfirmoi sot ministri kinez i Punëve të Jashtme, Vang Ji në bisedime telefonike me homologët e tij nga Arabia Saudite dhe Emiratet e Bashkuara Arabe, njoftoi Ministria kineze e Punëve të Jashtme.

Vang, siç njofton Ministria, në një bisedë me ministrin saudit të Punëve të Jashtme, Faisal bin Farhan Al Saud, vlerësoi përmbajtjen e Arabisë Saudite dhe këmbënguljen e saj për zgjidhjen paqësore të mosmarrëveshjeve.

Në një bisedë të veçantë me ministrin e Jashtëm të Emirateve të Bashkuara Arabe, Abdullah bin Zajed Al Nahjan, Vang tha se "vija e kuqe" për mbrojtjen e civilëve në konflikte nuk duhet të kalohet.

Ai theksoi se objektivat joushtarake nuk duhet të sulmohen, përfshirë objektivat energjetike, ndërsa bëri thirrje për ruajtjen e sigurisë së korridoreve detare. mb/

Foto: MIA