Prishtinë, 4 gusht 2023 (MIA) - KFOR-i e mirëpret vendimin e Prishtinës që ta ulë praninë e policisë së Kosovës rreth ndërtesave komunale në veri të Kosovës.

"Vendimi i marrë në një takim teknik të mbajtur nga Policia e Kosovës, EULEKS-i dhe KFOR-i, është një hap i rëndësishëm drejt de-përshkallëzimit të tensioneve dhe promovimit të dialogut", bëhet e ditur në kumtesë.

KFOR-i pajtohet se ka pasur përmirësim të situatës së sigurisë në zonë, por është e rëndësishme të sqarohet se pikëpamja e tij nuk është rezultat i një aktiviteti të përbashkët vlerësues. Një vlerësim i përbashkët, në fakt, është një procedurë e ndryshme që kërkon veprime specifike, disponueshmëri të të dhënave dhe vlerësime sistematike në të cilat roli i KFOR-it, siç është rënë dakord ndërmjet NATO-s dhe BE-së, duhet të konsiderohet vetëm si i përshtatshëm dhe t'i nënshtrohet miratimit të komandantit të KFOR-it”, thuhet në njoftim. fc/